Connect with us

News

அலிபாபா ஆன்லைன் நிறுவனத்தின் தலைவர் பதவியில் இருந்து விலகல்

Published

on




சீனாவில் ஆன்லைன் வணிக உலகின் முன்னணி நிறுவனமாக விளங்கி வருகிறது அலிபாபா நிறுவனம், இதன் தலைவர் ஜாக். மா (55).இவர், முன்னாள் ஆங்கில ஆசிரியர். கடந்த 1999ம் ஆண்டு அலிபாபா நிறுவனத்தை தொடங்கினார். இதன் மூலம், சீனாவின் ஏற்றுமதியாளர்கள் மற்றும் அமெரிக்காவின் சில்லறை விற்பனையாளர்களிடையே இணைப்பை உருவாக்கினார். பின்னர், அலிபாபா நிறுவனம் சீனாவின் வளர்ந்து வரும் நுகர்வோர் சந்தையில்  சேவை செய்வதில் கவனத்தை செலுத்தியது. மேலும் ஆன்லைன் வங்கி, பொழுதுபோக்கு  என விரிவடைந்தது.

மேலும்  சீனாவின் மிகப்பெரிய பணக்காரர்களில் ஒருவராகவும், சிறந்த தொழில்முனைவோருமாக விளங்கினார் .சீனாவில் பொருளாதார வளர்ச்சி குறைந்ததன் காரணமாக 2019ம் ஆண்டின் முதல் பாதியில் அலிபாபாவின் விற்பனை 17.8 சதவீதமாக குறைந்துள்ளது.இதனால் இவர்  நேற்று தனது 55வது பிறந்த நாளில் அலிபாபா ஆன்லைன் நிறுவனத்தின் தலைவர் பதவியில் இருந்து விலகினார். இவர் கடந்த ஆண்டே தனது பிறந்தநாளின்போது தலைவர் பதவியில் இருந்து விலக உள்ளதாக அறிவித்தார். தலைவர் பதவியில் இருந்து விலகினாலும் இயக்குனர்கள் குழு உறுப்பினராக ஜாக் மா தொடர்ந்து நீடிப்பார், என்றனர்.


News

அங்கன்வாடி பணியாளர்கள் 1512 பேருக்கு செல்போன்கள் வழங்கிய அமைச்சர் உடுமலை ராதாகிருஷ்ணன்

Published

on




திருப்பூர்:

திருப்பூர் மாவட்ட கலெக்டர் அலுவலக கூட்டரங்கில், ஒருங்கிணைந்த குழந்தை வளர்ச்சித்திட்டத்தின் சார்பில் 1512 அங்கன்வாடி மைய பணியாளர்களுக்கு கைபேசியினை கலெக்டர் டாக்டர்.கே.எஸ்.பழனிசாமி முன்னிலையில், அமைச்சர் தமிழ்நாடு அரசு கேபிள் டி.வி.நிறுவன தலைவர் உடுமலை.கே.ராதாகிருஷ்ணன் வழங்கினார்.

இதன்மூலம் அங்கன்வாடி மைய பணிகளுக்கான நிகழ்நேர கண்காணிப்பிற்கும், சரியான முறையில் தகவலை பெற ஏதுவாக இருக்கும் மேலும், பயனாளிகளை எளிதில் அடையாளம் கண்டுகொண்டு சரியான நேரத்தில் திட்ட உதவிகளை வழங்குவதற்கும், பயனாளிகளின் அனைத்து தகவல்களையும் அறிந்து கொள்வதற்கும் உதவியாக இருக்கும்.


Continue Reading

News

நாகை கலெக்டர் அலுவலகத்தில் தஞ்சமடைந்த காதல் ஜோடி

Published

on

நாகப்பட்டினம்:

திருவாரூர் மாவட்டம் வேலங்குடி கீழப்படுகை மெயின் சாலையை சேர்ந்தவர் பாஸ்கரன் (வயது 25). ஈரோடு வளையக்கார வீதியை சேர்ந்தவர் யாஸ்மின் (19). காதல் திருமணம் செய்த இவர்கள் நாகை கலெக்டர் அலுவலகத்துக்கு வந்து மனு கொடுத்தனர். அந்த மனுவில் பாஸ்கரன் கூறியிருப்பதாவது, நான் திருவாரூரில் உள்ள தனியார் நிறுவனத்தில் பணியாற்றி வருகிறேன். தொழில் சம்பந்தமாக ஈரோடு செல்லும் போது யாஸ்மினுடன் பழக்கம் ஏற்பட்டது. நாங்கள் இரண்டு பேரும் வெவ்வேறு மதத்தை சேர்ந்தவர்கள். இதனால் எங்கள் காதலுக்கு பெற்றோர்கள் எதிர்ப்பு தெரிவித்தனர்.

இந்த நிலையில் வீட்டை விட்டு வெளியேறி கடந்த 12-ம் தேதி நாகை நெல்லுக்கடை மாரியம்மன் கோவிலில் திருமணம் செய்து கொண்டோம். எங்களை குடும்பத்தினர் தொடர்ந்து அச்சுறுத்தி வருகின்றனர். எனவே எங்களுக்கு உரிய பாதுகாப்பு வழங்க வேண்டும் என்று அதில் கூறியிருந்தது.

Continue Reading

News

தண்டராம்பட்டு அருகே லாரி டிரைவர் கொலை- போலீசார் விசாரணை

Published

on

திருவண்ணாமலை:

திருவண்ணாமலை மாவட்டம் தண்டராம்பட்டு அடுத்த பெரும்பாக்கம் கிராமத்தை சேர்ந்தவர் வெங்கடேசன் (வயது40). இவர் புதுச்சேரியில் லாரி டிரைவராக வேலை செய்து வந்தார். இவரது மனைவி பானுபிரியா (32). இவர்களுக்கு சஞ்சய்(8) என்ற மகனும், தர்ஷினி(6) என்ற மகளும் உள்ளனர். கணவன், மனைவி இருவரும் கடந்த ஒரு மாதமாக தனித்தனியே வசித்து வந்துள்ளனர். இந்த நிலையில் புதுச்சேரிக்கு வேலைக்கு சென்ற வெங்கடேசன் கடந்த 4 நாட்களுக்கு முன்பு வீடு திரும்பினார்.

இன்று காலை அதே கிராமத்தில் உள்ள ஏரிக்கரையில் ரத்த வெள்ளத்தில் பிணமாக கிடந்தார். இதை பார்த்து அதிர்ச்சியடைந்த அப்பகுதி பொதுமக்கள் தண்டராம்பட்டு போலீசாருக்கு தகவல் தெரிவித்தனர். டி.எஸ்.பி. ஹேமசித்ரா, இன்ஸ்பெக்டர் பாரதி மற்றும் போலீசார் சம்பவ இடத்திற்கு சென்று பிணத்தை மீட்டு விசாரணை நடத்தினர்.

அதில் வெங்கடேசன் தலையில் காயம் இருந்தது. மர்ம நபர்கள், கல்லால் தாக்கி வெங்கடேசனை கொலை செய்தது தெரியவந்தது. போலீசார் பிணத்தை கைப்பற்றி பிரேத பரிசோதனைக்காக திருவண்ணாமலை அரசு மருத்துவமனைக்கு அனுப்பி வைத்தனர். வெங்கடேசனின் மனைவி பானுபிரியா மற்றும் அவரது உறவினர்கள் 3 பேரிடம் போலீசார் விசாரணை செய்து வருகின்றனர்.

Continue Reading

Trending