Connect with us

News

தின செய்திகள்: போலீஸ் விசாரணைக்கு சென்ற விவசாயி மாயம் : உறவினா்கள் போராட்டம்

Published

on




திண்டுக்கல் மாவட்டம் சின்னாளபட்டி அருகே உள்ள கோம்பையில் வசித்து வருபவர் மார்க் யாகப்பன் (28). விவசாய பணி செய்து வரும அவர், கடந்த சில நாட்களுக்கு முன்பு அ.வெள்ளோடு புனித சந்தியாகப்பர் ஆலய திருவிழா நடத்துவதற்கான கூட்டம் நடந்தது.

அப்போது மார்க்யாகப்பன் தகராறு செய்ததாக ஊர் நிர்வாகிகள் அம்பாத்துரை போலீசில் புகார் அளித்தனர். அதன்பேரில் மார்க் யாகப்பன் மற்றும் அவருடைய சித்தப்பா பீட்டர் ஆகியோரை போலீசார் அழைத்து சென்று அறிவுரை கூறி அனுப்பி வைத்தனர். இதனைத்தொடர்ந்து கடந்த 9-ந்தேதி முதல் 3 நாட்கள் ஆலய திருவிழா நடந்தது.

இந்தநிலையில் கடந்த 10-ந்தேதி அம்பாத்துர் போலீசார், ஊர் நிர்வாகிகள் புகார் செய்துள்ளதாக கூறி மார்க் யாகப்பனை விசாரணைக்கு அழைத்து சென்றனர். அதன்பிறகு அவர் வீடு திரும்பவில்லை.இதனால் அதிர்ச்சியடைந்த அவரது குடும்பத்தினர் அவரின் மனைவி மெர்சி, தாய் மங்களம், தம்பி ஸ்டாலின் ஆகியோர் மார்க்யாகப்பன் மீன் விற்பனை செய்த இடத்தில் கிடந்த அழுகிய மீன்களுடன் அமர்ந்து தர்ணா போராட்டத்தில் ஈடுபட்டனர்.

இதுகுறித்து தகவல் அறிந்து வந்த அம்பாத்துரை போலீசார் தர்ணாவில் ஈடுபட்ட 3 பேரையும் போலீஸ் வேனில் ஏற்றி போலீஸ் நிலையத்திற்கு அழைத்து சென்றனர். பின்னர் அனுமதியின்றி பொது இடத்தில் தர்ணாவில் ஈடுபட கூடாது என 3 பேரையும் போலீசார் எச்சரிக்கை செய்து அனுப்பி வைத்தனர்.


News

காஷ்மீர் மக்களின் உணர்வுகளுக்கு மதிப்பளிக்கும் வகையில் பாகிஸ்தான் செய்த செயல்

Published

on

பாகிஸ்தானில் பஞ்சாப் மாகாணத்தில் உள்ள 36 ரோடுகள் மற்றும் 5 பெரிய பூங்காக்களுக்கு காஷ்மீர் என பெயர் சூட்ட முடிவு செய்யப்பட்டுள்ளது. காஷ்மீர் மக்களின் உணர்வுகளுக்கு மதிப்பளிக்கும் வகையில் இந்த நடவடிக்கை மேற்கொள்ளப்படும் என பஞ்சாப் மாகாண முதல்-மந்திரி உஸ்மான் புஷ்தார் தெரிவித்துள்ளார்.

Continue Reading

News

தின செய்திகள்: இடஒதுக்கீடு அளவை அதிகரிக்க வேண்டும் : டாக்டர் ராமதாஸ்

Published

on




சென்னை,

தமிழகத்தில் சாதிவாரி கணக்கெடுப்பு நடத்தி இடஒதுக்கீட்டை அதிகரிக்க வேண்டும் என  பா.ம.க. நிறுவனர் டாக்டர் ராமதாஸ் கூறியுள்ளார்.

இது தொடர்பாக அவர் வெளியிட்டுள்ள அறிக்கையில், சத்தீஷ்கர் மாநிலத்தில் பிற்படுத்தப்பட்ட வகுப்பினருக்கான இடஒதுக்கீடு இரு மடங்காக உயர்த்தப்பட்டிருக்கிறது. இதன் மூலம் இந்தியாவில் அதிக இடஒதுக்கீடு வழங்கும் 2-வது மாநிலம் என்ற பெருமையை சத்தீஷ்கர் பெற்றுள்ளது.சத்தீஷ்கர் அரசு மேற்கொண்ட இந்த நடவடிக்கை வரவேற்கத்தக்கது.

தமிழ்நாட்டில் சாதிவாரி மக்கள்தொகை கணக்கெடுப்பு நடத்தி, இடஒதுக்கீட்டை அதிகரிக்க சட்ட ரீதியாகவோ, சமூக ரீதியாகவோ எந்த எதிர்ப்பும் எழப்போவதில்லை.எனவே, தமிழ்நாட்டில் உடனடியாக சாதிவாரி மக்கள்தொகை கணக்கெடுப்பு நடத்தப்பட வேண்டும். அதனடிப்படையில் தமிழகத்தில் இடஒதுக்கீட்டின் அளவை அதிகரிக்க வேண்டும். தேவைப்பட்டால் இதுகுறித்து விவாதிக்க அனைத்துக் கட்சி கூட்டத்திற்கு தமிழக அரசு ஏற்பாடு செய்ய வேண்டும் என தெரிவித்துள்ளார்.


Continue Reading

News

தின செய்திகள்: அனந்தசரஸ் குளத்தில் வைக்கப்பட்ட அத்திவரதர் : பக்தர்கள் கோவிந்தா… முழக்கம்

Published

on




காஞ்சிபுரம்

காஞ்சிபுரத்தில் 108 திவ்ய தேசங்களில் ஒன்றாக விளங்கும் வரதராஜ பெருமாள் கோவிலில் 40 ஆண்டுகளுக்கு ஒரு முறை அத்திவரதர் எழுந்தருளி பக்தர்களுக்கு காட்சி அளிப்பார். கடந்த ஜூலை மாதம் 1-ந்தேதி அத்திவரதர் எழுந்தருளி பக்தர்களுக்கு காட்சி அளித்தார். ஜூலை 31-ந்தேதி வரை சயன கோலத்தில் பக்தர்களுக்கு அருள்பாலித்த அத்திவரதர், பின்னர் ஆகஸ்ட் 1-ந்தேதி முதல் நிறைவு நாள் வரை நின்ற கோலத்தில் பக்தர்களுக்கு அருள்பாலித்தார் அத்திவரதர்.

மேலும் அத்திவரதர் தரிசனத்திற்கு பல அரசியல் கட்சி தலைவர்கள் உள்பட தமிழகம் மற்றும் வெளி மாநிலங்களில் இருந்து ஏராளமான முக்கிய பிரமுகர்களும் வந்து அத்திவரதரை தரிசித்தனர். நேற்று வரை அத்திவரதரை தரிசித்த பக்தர்களின் எண்ணிக்கை ஒரு கோடியை தாண்டிவிட்டதாக இந்து சமய அறநிலையத்துறை அதிகாரிகள் தெரிவித்தனர்.

நேற்று முன்தினம் பக்தர்கள் தரிசனம் நிறைவடைந்ததை தொடர்ந்து, அன்று இரவே கோவில் கிழக்கு ராஜ கோபுரம் மூடப்பட்டது.  இதைத்தொடர்ந்து, 48-ம் நாளான நேற்று வி.ஐ.பி. பக்தர்கள் உள்பட எவரும் அத்திவரதரை தரிசிக்க அனுமதிக்கப்படவில்லை. காலை பட்டாச்சாரியார்கள் அத்திவரதருக்கு காவி மற்றும் ரோஜா நிற பட்டாடை அணிவித்து, பூஜை செய்தனர். இதையடுத்து ஆகம விதிப்படி, விசேஷ பூஜைகள் செய்யப்பட்டன.

இதனையடுத்து, நேற்று இரவு அனந்தசரஸ் திருக்குளத்தில் அத்திவரதர் சிலை சயனநிலையில் வைக்கப்பட்டது. குளத்தில் உள்ள அத்திவரதர் மண்டபத்தின் கீழ் உள்ள அறையில் சிலை வைக்கப்பட்டது. முன்னதாக, நேற்று மாலை 4 மணி அளவில் அத்திவரருக்கு 48 வகையான நைவேத்தியங்களை பட்டாச்சாரியார்கள் படைத்து கற்பூர தீபாராதனை காட்டினார்கள்.

பிறகு அத்திவரதர் வெண் பட்டு அணிவித்து வெள்ளி அணிவிக்கப்பட்டு வசந்த மண்டபத்தில் இருந்து கோவிலில் உள்ள அனந்தசரஸ் குளத்தில் சயன கோலத்தில் நேற்று நள்ளிரவு வைக்கப்பட்டார்.   அனந்தசரஸ் குளத்தில் ஜலவாசம் செய்யும் அத்திவரர், 40 ஆண்டுகளுக்கு 2059-ம் ஆண்டு மீண்டும் அருள்பாலிக்க வருவார்.


Continue Reading

Updates

Trending