Connect with us

News

மேக் இன் இந்தியா திட்டத்தின் கீழ் மணிக்கு 180 கி.மீ. வேகத்தில் செல்லும் புதிய ரெயில் என்ஜின் தயாரிப்பு

Published

on




புது டெல்லி :

“மேக் இன் இந்தியா திட்டத்தின் மூலம் இதற்கு முன்பு இருந்த ரெயில்களை விட அதிவேக ரெயில் என்ஜின் ஒன்று தயாரிக்கப்பட்டுள்ளது” என மத்திய ரெயில்வே மந்திரி பியுஷ் கோயல் தனது ட்விட்டர் பக்கத்தில் பதிவிட்டிருந்தார்.

இதுகுறித்து ரெயில்வே அதிகாரிகள் தெரிவிக்கையில், “வாப் – 7 எச்எஸ் 30750 ஜீஇசட்பி (WAP-7HS 30750 GZB) வகை புதிய ரெயில் என்ஜின் ஒன்று தயாரிக்கப்பட்டுள்ளது. நேற்று ராஜஸ்தானின் ரவதா சாலை – லாபான் பாதையில் இந்த என்ஜின் சோதனை ஓட்டம் வெற்றிகரமாக செயல்படுத்தப்பட்டது. சோதனை ஓட்டத்தின்போது மணிக்கு 180 கிமீ வரை வேகத்தில் சென்றது. 24 பெட்டிகளுடன் மணிக்கு 160 கி.மீ வேகத்தில் செல்லக்கூடியது. தற்போதைய அதிவேக என்ஜினான வாப்-7 என்ஜினை விட (மணிக்கு 140 கிமீ வேகம்) இந்த புதிய என்ஜின் அதிக செயல் திறன் கொண்டது ” என்றனர்.


News

காஷ்மீர் மக்களின் உணர்வுகளுக்கு மதிப்பளிக்கும் வகையில் பாகிஸ்தான் செய்த செயல்

Published

on

பாகிஸ்தானில் பஞ்சாப் மாகாணத்தில் உள்ள 36 ரோடுகள் மற்றும் 5 பெரிய பூங்காக்களுக்கு காஷ்மீர் என பெயர் சூட்ட முடிவு செய்யப்பட்டுள்ளது. காஷ்மீர் மக்களின் உணர்வுகளுக்கு மதிப்பளிக்கும் வகையில் இந்த நடவடிக்கை மேற்கொள்ளப்படும் என பஞ்சாப் மாகாண முதல்-மந்திரி உஸ்மான் புஷ்தார் தெரிவித்துள்ளார்.

Continue Reading

News

தின செய்திகள்: இடஒதுக்கீடு அளவை அதிகரிக்க வேண்டும் : டாக்டர் ராமதாஸ்

Published

on




சென்னை,

தமிழகத்தில் சாதிவாரி கணக்கெடுப்பு நடத்தி இடஒதுக்கீட்டை அதிகரிக்க வேண்டும் என  பா.ம.க. நிறுவனர் டாக்டர் ராமதாஸ் கூறியுள்ளார்.

இது தொடர்பாக அவர் வெளியிட்டுள்ள அறிக்கையில், சத்தீஷ்கர் மாநிலத்தில் பிற்படுத்தப்பட்ட வகுப்பினருக்கான இடஒதுக்கீடு இரு மடங்காக உயர்த்தப்பட்டிருக்கிறது. இதன் மூலம் இந்தியாவில் அதிக இடஒதுக்கீடு வழங்கும் 2-வது மாநிலம் என்ற பெருமையை சத்தீஷ்கர் பெற்றுள்ளது.சத்தீஷ்கர் அரசு மேற்கொண்ட இந்த நடவடிக்கை வரவேற்கத்தக்கது.

தமிழ்நாட்டில் சாதிவாரி மக்கள்தொகை கணக்கெடுப்பு நடத்தி, இடஒதுக்கீட்டை அதிகரிக்க சட்ட ரீதியாகவோ, சமூக ரீதியாகவோ எந்த எதிர்ப்பும் எழப்போவதில்லை.எனவே, தமிழ்நாட்டில் உடனடியாக சாதிவாரி மக்கள்தொகை கணக்கெடுப்பு நடத்தப்பட வேண்டும். அதனடிப்படையில் தமிழகத்தில் இடஒதுக்கீட்டின் அளவை அதிகரிக்க வேண்டும். தேவைப்பட்டால் இதுகுறித்து விவாதிக்க அனைத்துக் கட்சி கூட்டத்திற்கு தமிழக அரசு ஏற்பாடு செய்ய வேண்டும் என தெரிவித்துள்ளார்.


Continue Reading

News

தின செய்திகள்: அனந்தசரஸ் குளத்தில் வைக்கப்பட்ட அத்திவரதர் : பக்தர்கள் கோவிந்தா… முழக்கம்

Published

on




காஞ்சிபுரம்

காஞ்சிபுரத்தில் 108 திவ்ய தேசங்களில் ஒன்றாக விளங்கும் வரதராஜ பெருமாள் கோவிலில் 40 ஆண்டுகளுக்கு ஒரு முறை அத்திவரதர் எழுந்தருளி பக்தர்களுக்கு காட்சி அளிப்பார். கடந்த ஜூலை மாதம் 1-ந்தேதி அத்திவரதர் எழுந்தருளி பக்தர்களுக்கு காட்சி அளித்தார். ஜூலை 31-ந்தேதி வரை சயன கோலத்தில் பக்தர்களுக்கு அருள்பாலித்த அத்திவரதர், பின்னர் ஆகஸ்ட் 1-ந்தேதி முதல் நிறைவு நாள் வரை நின்ற கோலத்தில் பக்தர்களுக்கு அருள்பாலித்தார் அத்திவரதர்.

மேலும் அத்திவரதர் தரிசனத்திற்கு பல அரசியல் கட்சி தலைவர்கள் உள்பட தமிழகம் மற்றும் வெளி மாநிலங்களில் இருந்து ஏராளமான முக்கிய பிரமுகர்களும் வந்து அத்திவரதரை தரிசித்தனர். நேற்று வரை அத்திவரதரை தரிசித்த பக்தர்களின் எண்ணிக்கை ஒரு கோடியை தாண்டிவிட்டதாக இந்து சமய அறநிலையத்துறை அதிகாரிகள் தெரிவித்தனர்.

நேற்று முன்தினம் பக்தர்கள் தரிசனம் நிறைவடைந்ததை தொடர்ந்து, அன்று இரவே கோவில் கிழக்கு ராஜ கோபுரம் மூடப்பட்டது.  இதைத்தொடர்ந்து, 48-ம் நாளான நேற்று வி.ஐ.பி. பக்தர்கள் உள்பட எவரும் அத்திவரதரை தரிசிக்க அனுமதிக்கப்படவில்லை. காலை பட்டாச்சாரியார்கள் அத்திவரதருக்கு காவி மற்றும் ரோஜா நிற பட்டாடை அணிவித்து, பூஜை செய்தனர். இதையடுத்து ஆகம விதிப்படி, விசேஷ பூஜைகள் செய்யப்பட்டன.

இதனையடுத்து, நேற்று இரவு அனந்தசரஸ் திருக்குளத்தில் அத்திவரதர் சிலை சயனநிலையில் வைக்கப்பட்டது. குளத்தில் உள்ள அத்திவரதர் மண்டபத்தின் கீழ் உள்ள அறையில் சிலை வைக்கப்பட்டது. முன்னதாக, நேற்று மாலை 4 மணி அளவில் அத்திவரருக்கு 48 வகையான நைவேத்தியங்களை பட்டாச்சாரியார்கள் படைத்து கற்பூர தீபாராதனை காட்டினார்கள்.

பிறகு அத்திவரதர் வெண் பட்டு அணிவித்து வெள்ளி அணிவிக்கப்பட்டு வசந்த மண்டபத்தில் இருந்து கோவிலில் உள்ள அனந்தசரஸ் குளத்தில் சயன கோலத்தில் நேற்று நள்ளிரவு வைக்கப்பட்டார்.   அனந்தசரஸ் குளத்தில் ஜலவாசம் செய்யும் அத்திவரர், 40 ஆண்டுகளுக்கு 2059-ம் ஆண்டு மீண்டும் அருள்பாலிக்க வருவார்.


Continue Reading

Updates

Trending