Connect with us

News

ஸ்டாலினை விமர்சிப்பது முதல்வருக்கு அழகல்ல : வைகோ

Published

on




பாதிக்கப்பட்ட மக்களுக்கு ஆறுதல் கூற சென்ற ஸ்டாலினை விமர்சிப்பது முதல்வர் பதவிக்கு அழகல்ல என மதிமுக பொது செய்லாளர் வைகோ கண்டனம் தெரிவித்துள்ளார்.

தென்மேற்கு பருவ மழை தீவிரமடைந்துள்ளதை தொடர்ந்து, நீலகிரி மாவட்டத்தில் பெரும் மழையால் பல இடங்களில் வெள்ளபாதிப்பு ஏற்பட்டு பொதுமக்கள் மீகவும் பாதிக்கப்பட்டுள்ளனர். இந்நிலையில் வெள்ள பாதிப்புகளை பார்வையிட திமுக தலைவர் ஸ்டாலின் நேற்று நீலகிரிக்கு சென்று பாதிக்கப்பட்ட மக்களுக்கு ஆறுதல் கூறினார்.

ஆனால் ஸ்டாலின் நீலகிரிக்கு சென்றதை முதல்வர் கடுமையாக விமர்சித்துள்ள நிலையில்,  இது குறித்து பேசிய மதிமுக பொது செயலாளர் வைகோ, முதல்வர் விமர்சனம் செய்தது பண்பாடற்ற செயல் என தெரிவித்துள்ளார். நீலகிரியில் பாதிக்கப்பட்ட மக்களுக்கு ஆறுதல் கூறச் சென்ற ஸ்டாலினை விமர்சனம் செய்தது முதல்வர் பதவிக்கு அழகல்ல எனவும் அவர் தெரிவித்தார்.


News

தின செய்திகள்: தங்கத்தின் இறக்குமதி வரியை குறைப்பது சாத்தியமற்றது: நிர்மலா சீதாராமன்

Published

on




அமதாபாத்,

தொடர்ந்து உயர்நிலையில் உள்ள ஆபரண தங்கத்தின் விலை சவரனுக்கு சுமார் ரூ.29 ஆயிரத்தை எட்டியுள்ளது. இந்நிலையில், தங்கத்துக்கான இறக்குமதி விலையை குறைக்க வேண்டும் என வியாபாரிகள் மத்திய அரசை வலியுறுத்தி உள்ள நிலையில், இறக்குமதி வரியில் எந்த மாற்றமும் செய்ய முடியாது என நிதியமைச்சர் நிர்மலா சீதாராமன் தெரிவித்துள்ளார்.

அமதாபாத்தில் செய்தியாளர்களை சந்தித்த, நிதி மந்திரி நிர்மலா சீதாராமனிடம், தங்கத்துக்கான இறக்குமதி வரி குறைக்கப்படுமா? என கேள்வி கேட்க்கப்பட்டது. இதற்கு பதிலளித்த அவர், இறக்குமதி வரியை குறைக்க முடியாது என தெரிவித்தார். இது தொடர்பாக அவர் மேலும் கூறுகையில், ‘நகை செய்தல் உள்ளிட்ட மதிப்பு கூட்டு நடவடிக்கைகளுக்காக தங்கம் இறக்குமதி செய்யப்படுகிறது.

கச்சா எண்ணெய் மற்றும் பிற எலக்ட்ரானிக் பொருட்களை போல தங்கமும் இந்தியாவில் உற்பத்தி செய்யப்படவில்லை. நாம் வாங்கும் ஒவ்வொரு தங்கமும் இறக்குமதி செய்யப்படுகிறது. இதற்காக செலவிடப்படும் அன்னிய செலவாணியின் அளவை நாம் பார்க்க வேண்டும். நான் அதை தள்ளு படி செய்ய முடியுமா?’ என்று கேள்வி எழுப்பினார்.


Continue Reading

News

காஷ்மீர் மக்களின் உணர்வுகளுக்கு மதிப்பளிக்கும் வகையில் பாகிஸ்தான் செய்த செயல்

Published

on

பாகிஸ்தானில் பஞ்சாப் மாகாணத்தில் உள்ள 36 ரோடுகள் மற்றும் 5 பெரிய பூங்காக்களுக்கு காஷ்மீர் என பெயர் சூட்ட முடிவு செய்யப்பட்டுள்ளது. காஷ்மீர் மக்களின் உணர்வுகளுக்கு மதிப்பளிக்கும் வகையில் இந்த நடவடிக்கை மேற்கொள்ளப்படும் என பஞ்சாப் மாகாண முதல்-மந்திரி உஸ்மான் புஷ்தார் தெரிவித்துள்ளார்.

Continue Reading

News

தின செய்திகள்: இடஒதுக்கீடு அளவை அதிகரிக்க வேண்டும் : டாக்டர் ராமதாஸ்

Published

on




சென்னை,

தமிழகத்தில் சாதிவாரி கணக்கெடுப்பு நடத்தி இடஒதுக்கீட்டை அதிகரிக்க வேண்டும் என  பா.ம.க. நிறுவனர் டாக்டர் ராமதாஸ் கூறியுள்ளார்.

இது தொடர்பாக அவர் வெளியிட்டுள்ள அறிக்கையில், சத்தீஷ்கர் மாநிலத்தில் பிற்படுத்தப்பட்ட வகுப்பினருக்கான இடஒதுக்கீடு இரு மடங்காக உயர்த்தப்பட்டிருக்கிறது. இதன் மூலம் இந்தியாவில் அதிக இடஒதுக்கீடு வழங்கும் 2-வது மாநிலம் என்ற பெருமையை சத்தீஷ்கர் பெற்றுள்ளது.சத்தீஷ்கர் அரசு மேற்கொண்ட இந்த நடவடிக்கை வரவேற்கத்தக்கது.

தமிழ்நாட்டில் சாதிவாரி மக்கள்தொகை கணக்கெடுப்பு நடத்தி, இடஒதுக்கீட்டை அதிகரிக்க சட்ட ரீதியாகவோ, சமூக ரீதியாகவோ எந்த எதிர்ப்பும் எழப்போவதில்லை.எனவே, தமிழ்நாட்டில் உடனடியாக சாதிவாரி மக்கள்தொகை கணக்கெடுப்பு நடத்தப்பட வேண்டும். அதனடிப்படையில் தமிழகத்தில் இடஒதுக்கீட்டின் அளவை அதிகரிக்க வேண்டும். தேவைப்பட்டால் இதுகுறித்து விவாதிக்க அனைத்துக் கட்சி கூட்டத்திற்கு தமிழக அரசு ஏற்பாடு செய்ய வேண்டும் என தெரிவித்துள்ளார்.


Continue Reading

Updates

Trending